شادی سے پہلے کسی دولہے کے دوستوں نے اس کے ساتھ اس سے زیادہ برا سلوک نہیں کیا ہوگا۔
چین کے صوبے گوانگڈونگ کے صوبائی دارالحکومت گوانگژو میں ایک دولہے کو اس کے دوستوں نے کھمبے کے ساتھ باندھ کر اس کے پیچھے پٹاخوں کے بنڈل باندھ دئیے اور پھر انہیں پھوڑ دیا۔
ایک ویڈیو میں دکھایاگیا ہے کہ ایک دولہا کھمبے کے ساتھ بندھا ہوا ہے۔ اس کے پیچھے پٹاخوں کے بنڈل بندھے ہوئے ہیں۔
دلہے کے دوست زمین پر پڑی لڑی کو آگ دکھاتے ہیں تو دلہے کے پیچھے سارے پٹاخے پھوٹتےجاتے ہیں، کچھ دیر کے لیے دولہا پٹاخوں کے دھویں میں گم ہوجاتا ہے ۔ اس کے بعد دوست آکر کے دولہے کو دیکھتے جو پیچھے سے جل کر کافی زخمی ہو گیا ہوتا ہے لیکن چپ چاپ کھڑا ہوتا ہے۔ دلہے کے دوست تھوڑی دیر اس کا مذاق اڑاتے ہیں اور پھر اسے ہسپتال لے جاتے ہیں۔
یہ معلوم نہیں ہوسکا کہ اس کے بعد دلہے کی شادی مقررہ وقت پر ہی ہوئی تھی یا شادی کی تاریخ کو آگے بڑھایا گیا تھا۔
