’’تحریک انصاف آئوٹ ، مسلم لیگ(ن) اِن ‘‘ کے پی کے میں تو معجزہ ہی ہو گیا ۔۔ سنسنی خیز خبر

جمعیت علما اسلام (ف)نے این اے 4 ضمنی الیکشن میں مسلم لیگ ن کی حمایت کا اعلان کر دیا،میڈیا سے گفتگو کرتے ہوئے جے یو آئی ف کے رہنما مولانا گل نصیب خان نے کہا کہ پشاور ضمنی الیکشن میں ہم اپنا امیدوار ن لیگ کے حق میں دستبردار کرا رہے ہیں ، جے یو آئی (ف)ضمنی الیکشن میں ناصر موسیٰ زئی کی کامیابی کیلئے بھرپور کردار اداکرے گی،ان کا کہنا تھا کہ خیبرپختونخوا حکومت مکمل ناکام ہو چکی ہے ،ن لیگ کے رہنما امیر مقام کا کہنا تھا کہ جے یو آئی ہماری اتحادی جماعت ہے ،این اے 4 ضمنی الیکشن میں حمایت پر جے یو آئی ف کے شکرگزار ہیں ۔ ادھر قومی وطن پارٹی کے سربراہ آفتاب شیر پاؤ نے بھی این اے 4 پشاور سے اپنے امیدوار کو مسلم لیگ ن کے امیدوار کے حق میں دستبردار کرنے کا اعلان کر دیا۔ امیر مقام اور مرتضٰی جاوید عباسی سے ملاقات کے بعد شیر پاؤ نے کہا کہ مسلم لیگ ن کے ناصر موسیٰ زئی کے حق میں اپنا امیدوار دستبردار کرتے ہیں۔ مشترکہ فیصلوں سے سیاسی جماعتوں میں مفاہمت پیدا ہوتی ہے۔ امیر مقام نے کہا کہ شیر پاؤ سے این اے 4 پشاور کے ضمنی انتخاب میں تعاون کی درخواست کی، نواز شریف اور شہباز شریف نے بھی شیر پاؤ سے بات کر رکھی ہے گذشتہ انتخاب میں تحریک انصاف 34 ہزار ووٹوں سے سیٹ جیتی تھی یقین ہے مولانا فضل الرحمن ہمارا ساتھ دیں گے۔ مرتضٰی جاوید عباسی نے کہا کہ عمران خان آئین و قانون کا احترام نہیں کرتے