اسلام آباد (ویب ڈیسک ) معروف گلوکارہ مومنہ مستحسن جو کہ کوک اسٹوڈیو کے مشہور گانے‘آفریں آفریں ’سے شہرت کی اونچائیوں کو پہنچی ، گلوکارہ مومنہ مستحسن اپنی خوبصورتی کی وجہ سے بھی خاصی شہرت رکھتی ہیں۔اس گانے کی بدولت انہوں نے نہ صرف پاکستان بلکہ بھارت سمیت پوری دنیا میں اپنے مداح بنالئے۔تاہم اکثر اوقات وہ سوشل
میڈیا پر ٹرول کا شکار ہوتی رہتی ہیں۔میڈیا رپورٹس کے مطابق حال ہی میں مومنہ نے اپنے انسٹاگرام اکاؤنٹ کے ذریعے ایک ویڈیو پوسٹ کی جس میں انہیں پنجابی سٹائل میں بھنگڑا کرتے دیکھا جاسکتا ہے۔ اس پوسٹ کا آنا تھا کہ صارفین کی جانب سے مومنہ پر نفرت آمیز کمنٹس’کی بھرمار کردی گئی۔تصویر میں دیکھا جاسکتا ہے کہ انہوں نے لال رنگ کا ٹاپ اور گرے رنگ کی پینٹس زیب تن کی ہوئی ہے، وہ اس لباس میں بے حد خوبصورت لگ رہی ہیں۔
