قومی ٹیم کے نوجوان لیگ سپنر شاداب خان نے لاہور میں سری لنکا کیخلاف تیسرے ون ڈے کے بعدمین آف دی سیریز شعیب ملک کی ہیو ی بائیک پر بیٹھنے کے ہونے والی گفتگو کاراز کھول دیا ۔
شعیب ملک نے سری لنکا کیخلا ف لاہور میں کھیلے گئے تیسرے ٹی ٹونٹی میں نصف سنچری سکور کرکے سیریز میں ٹاپ سکورر بننے کے بعد مین آف دی میچ اور مین آف دی سیریز کا ایوارڈ اپنے نام کرنے کے ساتھ ساتھ ہیوی بائیک بھی جیتی تھی جس کے بعد سوشل میڈیا پر سامنے آنے والی ایک تصویر میں شاداب خان کو ان کی بائیک پر بیٹھے دیکھا گیا ۔
شاداب خان کی فرنچائز اسلام آباد یونائیٹڈ نے ٹویٹر پر یہ تصویر لگا کر سوشل میڈیا صارفین سے اچھے اچھے کیپشن مانگے تو شاداب خان نے بھی اس موقع کا فائدہ اٹھاتے ہوئے ٹویٹ کیا کہ”شعیب بھائی مجھ سے میرا لائسنس مانگ رہے تھے“۔
