آسکر ایواڈ یافتہ شرمین عبید چنائے کی بہن کو فیس بک پر ایک ڈاکٹر نے فرینڈ ریکوئسٹ بھیجی تو انہوں نے خوب واویلا کیا اور اسے ”ہراسگی“ قرار دیدیا جس پر صارفین نے غم و غصے کا اظہار کیا۔
ان کی شکایت پر جب مذکورہ ڈاکٹر کو نوکری سے فارغ کر دیا گیا تو سوشل میڈیا صارفین کا غصہ آسمان کو چھونے لگا اور ہر کسی کسی کی ’توپوں‘ کا رخ شرمین عبید چنائے کی طرف ہو گیا۔ یہاں تک کہ اس ڈاکٹر کے ساتھ کام کرنے والی ایک خاتون ڈاکٹر بھی میدان میں آ گئی اور اپنے پیغام میں اسے انتہائی نیک اور محنتی شخص قرار دیا۔
صارفین ابھی تک اس معاملے پر سیخ پا ہیں اور یہی وجہ ہے کہ یہ معاملہ سوشل میڈیا پر اب بھی زیر بحث ہے اور اب شرمین عبید چنائے کی ایک تصویر کو سامنے لا کر اس موضوع کے ساتھ جوڑا جا رہا ہے اور ایک مرتبہ پھر ان کی خوب ”درگت“ بنائی جا رہی ہے۔
فیس بک صارف ”سر سیٹھ عبداللہ“ کی جانب سے شیئر کی گئی اس تصویر میں شرمین عبید چنائے کو ہالی ووڈ کے معروف اداکار ’میٹ ڈیمن‘ کیساتھ دیکھا جا سکتا ہے اور صارف نے اس تصویر میں جو دکھانے کی کوشش کی ہے وہ شرمین عبید چنائے کی تصویر بنوانے کیلئے ہالی ووڈ اداکار انتہائی قریب بلکہ جڑ کر کھڑا ہونا ہے۔
یہ بھی پڑھیں۔۔۔”میں تو صرف اس اداکارہ کو جانتا ہوں ۔۔۔“ پاکستانیوں کے ”ہیرو“ فہیم اشرف سے پروگرام کے دوران سوال کیا گیا تو ان کا جواب سن کر زینب عباس کے گال بھی شرم سے لال ہو گئے، جان کر آپ بھی بے اختیار کہہ اٹھیں گے ”چل شرارتی“
صارف نے اپنی پوسٹ میں لکھا ”شرمین عبید چنائے کا آدھا جسم اس ہالی ووڈ اداکار کیساتھ لگ رہا ہے لیکن اگر کوئی ’گنجا‘ ڈاکٹر ان کی بہن کو فرینڈ ریکوئسٹ بھیجے تو یہ خود کو ہراساں محسوس کرتی ہیں۔“
سوشل میڈیا پر اس تصویر کو خوب شیئر کیا جا رہا ہے اور صارف کے پیغام کی بھی تائید ہو رہی ہے کیونکہ اکثر صارفین کا موقف ہے کہ ڈاکٹر کی جانب سے فرینڈ ریکوئسٹ بھیجنا غیر اخلاقی تو ضرور ہے مگر کسی طور پر بھی ہراساں کرنے کے زمرے میں نہیں آتا اور پھر اس پر اس کی نوکری ختم ہو جانا کہاں کا انصاف ہے۔
