کیا عمران خان دوبارہ جمائمہ سے شادی کر رہے ہیں؟ کھلاڑیوں کے لیے خوشی کی خبر

باوثوق ذرائع کے مطابق عمران خان اور ان کے قریبی ساتھیوں نے میاں نواز شریف کی نااہلی کے پیش نظر آئندہ انتخابی مہم بالخصوص منشور کے لئے ہوم ورک مکمل کر رکھا ہے۔ اس ضمن میں مختلف حلقوں سے عمران خان صاحب کی سابقہ اہلیہ جمائما گولڈ اسمتھ سے روابط بحال کئے گئے ہیں۔ تاکہ ممکنہ طور پر عمران اور جمائما کی دوبارہ شادی ہو سکے۔

لائحہ عمل یہ کہ اگر انتخابی جلسوں میں عمران خان کے شانہ بشانہ جمائما خان دوبارہ نظر آتی ہیں تو تحریک انصاف کے جلسوں میں جوش و خروش دیدنی ہو گا۔ 1985 کے بعد پیدا ہونے والے 14 کروڑ پاکستانی نوجونوں کو 1995 میں عمران خان اور جمائما خان کی شادی کے مناظر یاد نہیں ہیں۔ ان کے لئے ایک غیر ملکی خاتون کو پاکستان کے مقبول رہنما عمران خان کی اہلیہ کے طور پر دیکھنا بے حد پرکشش ہو گا۔

1996 سے 2005 تک تحریک انصاف کی حمایت کرنے والے ان گنت کارکنوں میں نیا جوش و خروش پیدا ہو گا۔ جمائما خان ایک ایسی محترم ہستی ہیں جنہوں نے علیحدگی کے باوجود عمران خان کا کبھی ساتھ نہیں چھوڑا۔ چنانچہ ان کی شمولیت کے بعد انتخابات میں تحریک انصاف کی بھرپور کامیابی کو کوئی نہیں روک سکے گا۔

واضح رہے کہ نواز شریف کی نااہلی کا فیصلہ آتے ہی جمائما گولڈ اسمتھ نے ٹویٹ پر Nawaz Gone Nawaz لکھ کر اپنی بے ساختہ خوشی اور مسرت کا اظہار کیا۔ ادھر اسلام آباد میں عمران خان کا نکاح پڑھانے کی شہرت رکھنے والی مفتی سعید کے حوالے سے بتایا گیا ہے کہ وہ اس ضمن میں حسب سابق اپنا کردار ادا کرنے کے لئے تیار ہیں۔