اسلام آباد(نیو زڈیسک)لاکھوں دلوں کی دھڑکن پاکستان کی معروف فنکار کو شوہر نے اندھا دھند گولیاں برسا کر قتل کردیا،وجہ بھی سامنے آگئی ۔۔۔سوات کے علاقے مینگورہ میں پشتو گلوکارہ مینہ کو شوہر نے قتل کردیا۔ پولیس کے مطابق مینگورہ کے علاقے بنڑ میں پشتو گلوکارہ مینہ کو گھریلو تنازع پر شوہر نے فائرنگ کرکے قتل کردیا۔پولیس نے قتل کا مقدمہ
درج کرکے گلوکارہ کے شوہر کی گرفتاری کیلئے چھاپے مارنا شروع کردیئے۔خیبرپختونخوا میں اس نوعیت کا یہ پہلا واقعہ نہیں ہے، اس سے قبل بھی کئی گلوکاراؤں کو قتل کیا جاچکا ہے۔فروری 2019ء میں مردان کے علاقے میں فائرنگ کرکے پشتو اداکارہ لباب کو قتل کردیا گیا تھا، فنکارہ گلالئی کے نام سے مشہور تھی جو پشاور سے واپس مردان جاتے ہوئے لاپتہ ہوگئی تھی۔پولیس کا کہنا تھا کہ گمشدگی کے تین روز بعد اداکارہ کی لاش کھیتوں سے ملی تھی، جسے پشاور میں رہنے والی اس کی بہن نے شناخت کیا تھا جبکہ 2018ء میں بھی خیبرپختونخوا میں 3 گلوکاراؤں کو قتل کیا گیا تھا۔
