میڈرڈ ( نیوز ڈیسک )اسپین نے کرپشن اور دہشت گرد ی روکنے کیلئے پانچ سو یورو کا نوٹ پرنٹ کرنے پر پابندی عائد کر دی ہے۔بینک آف اسپین نے یورپین بینک کے نئے سسٹم کو جو مئی 2016 کو رائج کیا گیا تھا فالو کرتے ہوئے 500 کے نوٹ چھاپنے پر پابندی لگادی اس پابندی کی وجہ سے 500کا کوئی نوٹ مزید نہیں چھاپا جائے گا۔اب تک 500 یورو کے جو
نوٹ پہلے سے ہی مارکیٹ میں موجود ہیں یا عوام الناس کے پاس ہیں ان کے حوالے سے کہا گیا ہے کہ جو نوٹ مارکیٹ میں پہلے سے گردش کر رہے ہیں۔ان کی ویلیو میں کوئی کمی نہیں آئے گی۔ آپ اس سے خریدو فروخت کرسکیں گے اورکسی بھی بینک سے انہیں تبدیل بھی کرایا جاسکے گا.بینک آف اسپین کے مطابق اب تک گردش شدہ 5 سو یورو نوٹوں کی مالیت 4 کھرب 81 ارب روپے ہے۔ 500 کا نوٹ کب تک مارکیٹوں میں گردش کرے گا۔ بتایا گیا ہے کہ جب تک پانچ سو یورو کا نوٹ خود ختم نہیں ہو جاتا یا جب تک کوئی نیا فیصلہ نہیں لیا جاتا تب تک 5 سو یورو کے نوٹ کا وجود اور ویلیو برقرار رہیگی۔اسی طرح بینک اف یورپ اور بینک آف اسپین کی طرف سے 100 یورو اور 200 یورو کے نوٹوں میں تبدیلی،ڈیزائن اور بناوٹ پہلے سے مختلف ہوگی۔یہ نوٹ رواں ہفتے میں مارکیٹ اور بینکوں کو گردش کے لیے پیش کر دیئے جائیں گے۔نوٹوں کی رنگت کو تھوڑا اور واضح کیا گیا ہے اور سیکیورٹی پٹی اور یورپین یونین کے نشان کو مزید گہرا کر دیا گیا ہے۔ان تبدیلیوں سے سو اور دو سو یوروکے نوٹ کی کاپی بنانا یا انہیں جعلی شکل دینا بہت مشکل ہو گا۔ نئے نوٹوں کی بناوٹ کے
ساتھ ساتھ ڈیزائن پہلے سے کافی اْبھرے ہوئے ہوں گے اور ہاتھ لگانے سے ہی نقل اور اصل کا آسانی سے پتا چل جائے گا۔
