لاہور (ویب ڈیسک )احتساب عدالت نے نوازشریف کو العزیزیہ ریفرنس میں سات سال قید اور بھاری جرمانے کی سزا سنا دی ہے جس کے بعد انہیں اڈیالہ جیل منتقل کیا گیا اور اب نوازشریف کو راولپنڈی کی جیل سے کوٹ لکھپت میں منتقل کر دیا گیا ہے ۔نجی ٹی وی دنیا نیوز نے ذرائع سے دعویٰ کیا ہے کہ نوازشریف کو بیر ک نمبر 1دی جائے گی جہاں عمران
خان بھی اسی بیرک میں ایک رات گزار چکے ہیں ۔نجی ٹی وی دنیا نیوز کے مطابق نوازشریف نے عدالت کا فیصلہ سننے کے بعد استدعاکی تھی کہ انہیں راولپنڈی کی جیل کی بجائے لاہور کی جیل میں منتقل کیا جائے جس پر عدالت نے فیصلہ محفوظ کیا اور کچھ دیر کے بعد فیصلہ سناتے ہوئے نوازشریف کی اپیل منظور کر لی ۔نوازشریف کو ابتدائی طور پر اڈیالہ جیل پہنچایا گیا جہاں انہوں نے رات گزاری اور دن کا آغاز فجر کی نماز ادا کر کے کیا ۔ نوازشریف نے ناشتے میں چائے اور رس کھائے جس کے بعدا ن کی لاہور راونگی کی تیاریا ں شروع کی گئیں ۔ نوازشریف کو سخت سیکیورٹی میں نور خان ایئر بیس پر لایا گیا اور خصوصی طیارے سے لاہور منتقل کیا گیا ۔ نوازشریف کو لاہور میں کوٹ لکھپت جیل منتقل کر دیا گیا ہے جہاں انہیں بیرک نمبر 1 میں رکھا جائے گاجس میں ماضی میں آصف علی زرادری بھی جیل کاٹ چکے ہیں جبکہ عمران خان بھی ماضی میں اسی بیرک میں ایک رات گزار چکے ہیں ۔
