یاسر شاہ نے وقار یونس کی ستائیس ٹیسٹ میچوں میں تیز ترین ایک سو پچاس وکٹوں کا پاکستانی ریکارڈ برابر کر دیا ۔ یاسر شاہ کی کامیابیوں کا سفر جاری ہے ۔ ستائیس میچوں میں تیز ترین ایک سو پچاس ٹیسٹ شکار کرنے والے دوسرے پاکستانی باؤلر بن گئے ۔
لیگ سپنر نے سابق فاسٹ باؤلر وقار یونس کا ریکارڈ برابر کیا ۔ سری لنکا کے لاہیرو تھریمانے یاسر شاہ کا ایک سو پچاسواں شکار بنے ۔ چوبیس ٹیسٹ میچز میں 150وکٹیں حاصل کرنے کا عالمی ریکارڈ انگلینڈ کے سڈنی برنز کے پاس ہے ۔
