ممبئی: (ویب ڈیسک) بالی ووڈ اداکار سنجے کپور ان دنوں بہت خوش ہیں، آپ جانتے ہیں کہ اس کی وجہ آخر کیا ہے؟ اگر نہیں تو چلیں ہم آپ کو بتاتے ہیں۔ دراصل سنجے کپور چھوٹی سکرین پر اپنی اداکاری کے جوہر دکھانے کیلئے بے تابی سے انتظار کر رہے ہیں۔ خبریں ہیں کہ 13 سال تک فلموں سے دور رہنے والے سنجے کپور کی اب ٹیلی وژن سکرین پر ایک نئے انداز سے واپسی ہو رہی ہے۔
ہدایتکار وکرم بھٹ کی ڈائریکشن میں بننے والا یہ ڈرامہ دراصل ترکی کے ڈرامے کی کاپی ہے جسے عشق گناہ کا نام دیا گیا ہے۔ اس ڈرامے کی پہلی جھلک کو انہوں نے سوشل میڈیا ویب سائٹ انسٹاگرام کے ذریعے اپنے مداحوں کیلئے شیئر کیا ہے۔
