کنگنا رناوت کا شمار ان اداکارائوں میں ہوتا ہے جو فلم انڈسٹری کے تلخ حقائق کو منظر عام پر لاتے ہوئے ڈرتی نہیں ہیں ، انہوں نے متعدد بار فلم انڈسٹری میں آمد کے بعد اپنے اوپر ہونیوالے جنسی تشدد کے حوالے سے بات کی ہے ،
کئی بار انہوں نے کہا جب وہ 17سال کی تھیں تو انہیں ان کے باپ کی عمر کے ایک اداکار نے جنسی زیادتی کا نشانہ بنایا مگر انہوں نے اس اداکار کا نام کبھی بھی نہیں بتایا ، تاہم اس بار انہوں نے جنسی زیادتی کا نشانہ بنانے والے اداکار کا نام بتا دیا ہے .
اپنے تازہ انٹرویو میں کنگنا رناوت کا کہنا تھا جب ان کی عمر 17برس تھی تو اس وقت آدیتا پنچولی نے کئی بار انہیں جنسی زیادتی کا نشانہ بنایا ، مسلسل زیادتی کے بعد وہ اس کی بیوی زرینہ وہاب کے پاس گئیں اور انہیں ساری باتیں بتا دیں .
یہ ساری باتیں زرینہ کیلئے کسی جھٹکے سے کم نہیں تھیں لیکن اس نے صرف اتنا ہی کہا میری خواہش ہے کہ آدیتا دوبارہ کبھی گھر نہیں آئے لیکن اس کے باوجود زرینہ وہاب نے میری کوئی مدد نہیں کی .
دوسری جانب بالی ووڈ اداکار آدیتا پنچولی نے کنگنا رناوت کی جانب سے الزامات کی تردید کرتے ہوئے نہ صرف انہیں پاگل قرار دیا بلکہ اداکارہ کیخلاف قانونی کارروائی کا فیصلہ بھی کیا ہے .
