عمومی طورپر دیکھاگیا ہے کہ شوہر جتنا بھی محنتی اور وفادار کیوں نہ ہولیکن بیگمات کے سامنے بے چارے ’’مجبور‘‘ ہوتے ہیں لیکن بالی وڈ اداکار عامر خان کی اہلیہ پروڈیوسر کرن راو فلم سیکرٹ سپر سٹار میں ان کے حلیے کی فین ہو گئیں۔بھارتی میڈیا کے مطابق اداکار عامر خان کے فلم سیکرٹ سپر سٹار میں حلیے کو جہاں ان کے چاہنے والوں نے پسند کیا ہے وہاں ان کی اہلیہ کرن راو نے بھی میڈیا پر منظر عام پر آ کر دل کھول کر ان کے اس حلیے کی تعریفیں کیں اور اس طرح اپنی پسندیدگی کا اظہار کیا ہے،انہوں نے مزید کہا کہ عامر اس حلیے میں اتنے اچھے لگ رہے ہیں کہ دل کرتا ہے
کہ ان سے کہوں کہ ہمیشہ کے لئے یہ روپ اپنا لیں،فلم کی پروڈیوسر کرن راو ہیں۔فلم کا ٹریلر جاری ہو چکا ہے جسے مداحوں نے بے حد پسند کیا ہے،فلم جلد ہی سینما گھروں میں نمائش کے لئے پیش کی جائے گی۔
