کیا آپ دنیا کی خوبصورت ترین لڑکی کو دیکھنا چاہیں گے؟ ان سے ملئے، یہ خوبرو ایرانی ماڈل ماہ لقا جابری ہیں، جنہیں انٹرنیٹ صارفین نے دنیا کی خوبصورت ترین لڑکی قرار دے دیا ہے۔ ماہ لقا کو یہ اعزاز کسی نے ایسے ہی نہیں دے ڈالا بلکہ وہ اب تک درجنوں ایسے عالمی پولز میں ٹاپ کر چکی ہیں جن میں دنیا بھر سے انٹرنیٹ صارفین نے اپنی رائے کا اظہار کیا۔وہ اب تک جس بھی سٹائل چارٹ کا حصہ بنی ہیں اس میں پہلا نمبر انہیں کو ملا ہے، حتٰی کہ مغربی ممالک کی سپر ماڈلز بھی ان سے پیچھے رہ گئی ہیں۔
ٹائمز آف انڈیا کے مطابق ماہ لقا کی پیدائش ایران کے شہر اصفہان میں ہوئی لیکن آج کل وہ امریکی شہر سان ڈیاگو میں مقیم ہیں۔ وہ کئی بڑی کمپنیوں کی مارکیٹنگ کے لئے کام کرتی ہیں اور سوشل میڈیا پر بے حد مقبول ہیں۔ ان کی مقبولیت کا انداز اس بات سے لگایا جا سکتا ہے کہ صرف انسٹا گرام پر ان کے فالورز کی تعداد 23 لاکھ سے زائد ہے۔
اور اگر آپ سمجھ رہے ہیں کہ ماہ لقا صرف ظاہری حسن و جمال کی پیکر ہیں تو ایسا نہیں ہے۔ وہ انتہائی قابل اور محنتی لڑکی ہیں۔ ان کی ذہانت اور قابلیت کا اندازہ اس بات سے بآسانی لگایا جا سکتا ہے کہ انہوں نے ریاضی و فزکس جیسے دقیق مضامین میں اعلٰی تعلیم حاصل کر رکھی ہے۔
