پاکستان میں باڈی بلڈنگ کو ہر گزرتے دن کے ساتھ بہت فروغ مل رہا ہے. ابھی جوان ہونے کی دیر ہی ہوتی ہےکہ ہمارے ملک کے نوجوان لڑکےبغیر کوئی مزید وقت ضائع کیے اپنے گھر کے قریبی جم میں داخلہ لے لیتے ہیں. ویسے تو باڈی بلڈنگ کرنے کا کوئی نقصان نہیں کیونکہ اس سے نہ صرف ہماری جسمانی نشونما ہوتی ہے بلکہ صحت بہترین اور (personality) بھی اچھی خاصی بن جاتی ہے.
بد قسمتی سے ہمارے ملک میں کچھ ایسے اناڑی کوچ اور فٹنس ٹرینرز ہیں جن کی وجہ سے کافی نوجوان موت کے منہ میں جاچکے ہیں. اناڑی کوچ جنکے پاس نہ تو کوئی اس شعبے سے متعلق اچھی تعلیم ہوتی ہے اور نہ ہی کوئی پروفیشنل سرٹیفکیٹ، چھوٹے موٹے محلوں میں جم کھول کر نوجوانوں کی زندگی کے ساتھ خطرناک کھیل کھیلتے ہیں.
ایسا ہی ایک افسوسناک واقعہ کراچی کے نوجوان کے ساتھ پیش آیا جو جعلی کوچ کی وجہ سے اپنی قیمتی جان گنوا بیٹھا. کراچی سے تعلق رکھنے والا نوجوان محمّد احمد نے ایک معمولی سے جم میں داخلہ لیا اور کئیں مہینے ورزش کرتا رہا. جم کا کوچ جو دراصل ایک اناڑی تھا اسنے احمد کو کچھ طاقت کی دوایاں دیں اور کہا کہ یہ کھانے سے تمہارا جسم مضبوط ہوگا اور ایک دم زبردست دکھے گا. معصوم احمد روزانہ یہ جسم بنانے کی دوایاں لیتا رہا اور کچھ ہی ہفتوں میں اسکا جسم ایک دم زبردست ہو گیا.
مگر احمد کیا جانتا تھا کہ اناڑی کوچ کی بتائی گئی جعلی دوایاں اسکے اندرون جسم میں کیا تباہی کر بیٹھی ہیں!احمد کی اچھی باڈی تو بن گئی لیکن آہستہ آہستہ اس نوجوان کی طبیعت بگڑتی چلی گئی. احمد نے ہسپتال کے بڑے چکر لگاۓ اور ایک وقت ایسا آگیا کہ صحت مند، چلتا پھرتا لڑکا احمد ہسپتال کے بستر پر پڑھ گیا.
محمّد احمد کی طبیعت شدید خراب ہو گئی اور ڈاکٹروں نے بھی صاف صاف انکار کر دیا! اناڑی کوچ کے کہنے پر باڈی بلڈنگ کی جعلی ادویات کھانے سے احمد کے گردے اور مثانے اتنی بری طرح متاثر ہو گۓ کہ شاید کوئی معجزہ ہی اسے بچاتا.
درد کی تاب نا لاتے ہوۓ احمد بیچارہ دنیا سے رخصت ہو گیا (إِنَّا لِلّهِ وَإِنَّـا إِلَيْهِ رَاجِعونَ). احمد کو آہوں اور سسکیوں میں تو سپردخاک کر دیا گیا مگر وہ اپنے پیچھے نئی نوجوان نسل کے لیے ایک بہت بڑا سبق چھوڑ گیا.
خدارا اناڑی کوچ اور فٹنس ٹرینرز کے کہنے پر اپنی زندگیاں داؤ پر مت لگائیں، اگر اچھا تندرست جسم حاصل کرنا ہے تو اچھی خوراک کھائیں اور ورزش کریں. جسم بنانے والی جعلی ادویات ہر گز نہ استعمال کریں ورنہ خدانخواستہ احمد والا حال کسی کا بھی ہو سکتا ہے.
الله احمد کو جنت الفردوس میں اعلیٰ مقام عطا کرے اور ہم سب کو اناڑی کوچ اور جعلی ادویات سے بچاۓ.
