پاکستان میں انٹر نیشنل کرکٹ کی واپسی نے جہاں پوری قوم میں ایک نیا جذبہ بھر دیا ہے وہیں پاکستان میں مقیم غیر ملکی بھی اس موقع سے فائدہ اٹھانے کے لیے قذافی سٹیڈیم کا رخ کررہے ہیں ۔
پاکستان میں چینی شہریوں کی ایک بڑی تعداد بھی موجود ہے جسے بہت عرصے بعد اس طرح کا ایونٹ دیکھنے کو ملا ہے اور وہ اس سے بھرپور فائدہ اٹھارہے ہیں ۔
”اردو پوائنٹ“ سے خصوصی گفتگو کرتے ہوئے سٹیڈیم آنے والے ایک چینی شہری کا کہنا تھا کہ انہیں کرکٹ کا کوئی آئیڈیا نہیں ، وہ صرف پاکستان کو سپورٹ کرنے کے لیے گراﺅنڈ پہنچے ہیں اور انہوں نے اپنے گالوں پر پاکستان کا پرچم بھی پینٹ کروایا ہوا ہے،اس موقع پر انہوں نے پاکستان زندہ باد کا نعرہ بھی لگا دیا ۔
